Trámite para quedar exento do pago da matrícula e mensualidades pola prestación do servizo da Escola de Música Municipal.

1. Estarán exentos dos Prezos Públicos, regulados na correspondente Ordenanza, os membros de familias con ingresos brutos anuais per capita inferiores a cantidade establecida na Ordenanza. A titularidade de Bens Inmobles de Natureza Urbana, a excepción da vivenda na que residen, non deberá superar un valor catastral total do importe establecido na mesma Ordenanza.

Para o disfrute desta exención dictarase resolución da Concellería de Economía e Facenda establecendo o procedemento así como a documentación necesaria que acredite o cumprimento da condición anterior.

2. No caso de que os/as seleccionados/as para a Escola Muncipal de Teatro e a Escola Municipal de Música pertencesen a familias numerosas que conten con ingresos brutos anuais, per capita, no exercicio da solicitude inferiores o importe establecido na Ordenanza, quedarán eximidos do pagamento destes prezos públicos.

Para a determinación dos ingresos brutos anuais, per capita, ós exclusivos efectos desta exención, dividiranse os ingresos brutos computables a efectos do IRPF de tódolos membros da familia entre o número daqueles. Nos casos excepcionais –por razón de minusvalía- de familias numerosas con dous fillos, computaranse tres fillos en lugar de dous a efectos do cálculo do rendemento bruto per capita.

Solicitarase unha vez formalizada a matrícula.